नांदेड, ११ एप्रिल २०२५: नांदेड शहरातील मुख्य एस.टी. बस स्थानकाचे रस्ता दुरुस्ती व नूतनीकरण काम सुरू असल्यामुळे, १२ एप्रिल २०२५ पासून बस स्थानक तात्पुरते कोठा मैदान येथे स्थलांतरित करण्यात येत आहे.
एमएसआरटीसी प्रशासनाने यासंदर्भात सूचना दिल्या असून, सर्व प्रवाशांनी नवीन बस स्थानक कोठा मैदान येथूनच आपली बस सेवा घेण्याचे आवाहन केले आहे.
ही व्यवस्था पुढील सूचना होईपर्यंत लागू राहील. कोणतीही गैरसोय होऊ नये यासाठी प्रवाशांनी वेळेत कोठा मैदान येथे पोहोचावे व नवीन बदल लक्षात घ्यावेत, असे प्रशासनाने सांगितले आहे.
