नांदेड (प्रतिनिधी), दि. 14 मे 2025 –नांदेड शहरातील प्रवाशांसाठी एक दिलासादायक बातमी आहे. गेलेले मध्यवर्ती बसस्थानक पुन्हा एकदा 15 मे 2025 पासून कौठा भागात पुर्ववत सुरू करण्यात येणार आहे, अशी माहिती राज्य परिवहन विभाग नांदेड येथील विभागीय नियंत्रकांनी आज जाहीर केली आहे.
दि. 14 एप्रिल 2025 पासून बसस्थानक तात्पुरत्या स्वरूपात कौठा येथील मोकळ्या मैदानात हलवण्यात आले होते. या निर्णयामुळे प्रवाशांना अनेक अडचणींना सामोरे जावे लागत होते. विशेषतः पिण्याच्या पाण्याची आणि स्वच्छतागृहाची गैरसोय, महिलांना होणारा त्रास, तसेच असुरक्षित वातावरणामुळे प्रवाशांमध्ये नाराजी निर्माण झाली होती. अशा परिस्थितीत आता पुन्हा बसस्थानक पूर्वीप्रमाणे सुरू होत असल्याने प्रवाशांना मोठा दिलासा मिळणार आहे.
दरम्यान, रेल्वेस्थानक ते बसस्थानक या अत्यंत खराब अवस्थेतील रस्त्याचे सुधारणात्मक काम पूर्ण झाले आहे. अनेक वर्षांपासून प्रलंबित असलेला हा मार्ग अखेर दुरुस्त झाला असून, प्रवाशांना आता सुरक्षित व सुलभ प्रवासाची सुविधा मिळेल.
तसेच, बसस्थानकाच्या स्थलांतरामुळे काही प्रवाशांचे टप्पे बदलले गेले होते. यासंदर्भात विभागीय नियंत्रकांनी स्पष्ट आदेश दिले आहेत की, सर्व बसवाहकांनी आपल्या ईटीआय मशीनमध्ये अद्यावत टप्पे भरणे आवश्यक आहे, जेणेकरून प्रवास भाड्याच्या बाबतीत कोणतीही गोंधळ होणार नाही.
या निर्णयामुळे नांदेडकर प्रवाशांचे सामान्य जीवन पुन्हा एकदा सुलभ आणि सुरक्षित होणार असून, परिवहन विभागाच्या या पावलाचे सर्वत्र स्वागत होत आहे.
