नांदेड ग्रामीण पोलीसांची मोठी कारवाई: खंजर बाळगणाऱ्या दोन आरोपींना ताब्यात घेतले
नांदेड : स्थानिक गुन्हे शाखा आणि नांदेड ग्रामीण पोलीस ठाण्याच्या पथकाने एक मोठी कारवाई करत अवैधरित्या धारदार खंजर बाळगणाऱ्या दोन आरोपींना अटक केली. या कारवाईत एक लोखंडी खंजर आणि एक दुचाकी असा एकूण ४०,५०० रुपयांचा मुद्देमाल जप्त करण्यात आला.
कारवाई यांचे मार्गदर्शनाखाली झाली अबिनाश कुमार, पोलीस अधीक्षक, नांदेड, सुरज गुरव, अपर पोलीस अधीक्षक, नांदेड, सुशील कुमार नायक, उपविभागीय पोलीस अधिकारी, इतवारा, नांदेड, ओमकांत चिंचोलकर, पोलीस निरीक्षक, पो.स्टे. नांदेड ग्रामीण
कारवाई करणारे अधिकारी व अंमलदार बाबुराव चव्हाण, पोलीस उपनिरीक्षक, पोहेकॉ. 2141 रामकिशन मोरे, पोहेकॉ. 2434 प्रमोद कहऱ्हाळे, पोकॉ. 493 संघरत्न गायकवाड
आरोपींची नावे सुखविंदरसिंग मेजरसिंग राय (वय 25), रा. गुरुद्वारा गेट नं. 05, वजिराबाद, नांदेड, प्रितमसिंग दिलीपसिंग कामटेकर (वय 23), रा. कामठा गणपूर, ह.मु. खालसा हॉटेल जवळ, वजिराबाद, नांदेड
जप्त मुद्देमाल एक लोखंडी खंजर (किंमत – 500 रुपये), एक हिरो कंपनीची मोटारसायकल (MH-26-BG-1850) – किंमत 40,000 रुपये, एकूण मुद्देमाल – 40,500 रुपये
अबिनाश कुमार, पोलीस अधीक्षक, नांदेड यांनी “ऑपरेशन फ्लश आऊट” अंतर्गत सर्व पोलीस ठाण्यांना बेकायदेशीर शस्त्र बाळगणाऱ्यांवर कडक कारवाई करण्याचे आदेश दिले होते. त्यानुसार, ओमकांत चिंचोलकर, पोलीस निरीक्षक, नांदेड ग्रामीण यांच्या मार्गदर्शनाखाली, पोलीस पथकाने धनेगाव लातूर फाटा येथील गजाळी दुकानासमोर वाजेगाव पोलीस चौकीकडे जाणाऱ्या रस्त्यावर संशयित हालचाली करणाऱ्या दोघांना ताब्यात घेतले. तपासणीदरम्यान त्यांच्याकडे लोखंडी धारदार खंजर आणि एक मोटारसायकल सापडली.
सदर आरोपींवर शस्त्र अधिनियम कलम 4/25 अन्वये गुन्हा दाखल करण्यात आला असून पुढील तपास ग्रेडपोउपनि कदम करत आहेत. ही कामगिरी करणाऱ्या पथकाचे वरिष्ठ पोलीस अधिकाऱ्यांनी कौतुक केले आहे.
