नांदेड दि. २४ भाऊराव चव्हाण सहकारी साखर कारखानाचा गळीत हंगाम २०२३ -२०२४ वर्षासाठी २ हजार ५०० रुपयांचा पहिला हप्ता ऊस उत्पादक सभासदांच्या जिल्हा मध्यवर्ती बँकेच्या संबंधित शाखांत वर्ग करण्यात आल्याची माहीती भाऊरावचे अध्यक्ष गणपतराव तिडके यांनी दिली आहे.
यावर्षी भाऊराव चव्हाण सहकारी साखर कारखाण्याने ऊस पुरवठा केलेल्या ऊस उत्पादक सभासदांच्या जिल्हा मध्यवर्ती बँकेच्या संबंधित शाखांत गळीत हंगाम २०२३ -२०२४ वर्षासाठी २ हजार ५०० रुपयांचा पहिला हप्ता वर्ग केला आला आहे. ऊस उत्पादकांना शक्य तितके लवकर उसाचे पैसे व कार्यक्षेत्र व परिसरातील सर्व ऊस उत्पादक शेतकऱ्यांचा ऊस गाळप व्हावा यासाठी भाऊरावचे अध्यक्ष गणपतराव तिडके, उपाध्यक्ष नरेंद्र चव्हाण यांच्यासह सर्व संचालक व प्रशासकीय अधिकारी कर्मचारी परिश्रम घेत आहेत.
