किनवटला अतिरिक्त जिल्हा व सत्र न्यालयास मंजुरी, न्यायालयीन कामकाजासाठीचा वेळ वाचणार
किनवट (अकरम चव्हाण): किनवट येथे जिल्हा व सत्र न्यायालयाच्या उभारणीसाठी मंजुरी मिळाली असून तसे पत्र २२ एप्रिल रोजी नांदेड येथील जिल्हा सत्र न्यायालयाच्या न्या. सुरेखा कोसमकर यांनी पाठविले आहे. नांदेड जिल्हा मुख्यालयापासून सुमारे १५० किलोमीटर अंतरावर असलेल्या किनवट आणि शेजारच्या तालुक्यांसाठी स्वतंत्र जिल्हा व सत्र न्यायालय निर्माण करावे, अशी येथील नागरिकांची अनेक दिवसांची मागणी होती.
न्यायालयीन कामकाजासाठी नांदेड येथे येत असताना नागरिकांचा वेळ तसेच पैशाचा अपव्यय होत होता. किनवट हा आदिवासी तसेच डोंगराळ तालुका आहे. या तालुक्यासाठी अतिरिक्त जिल्हा सत्र न्यायालय नाही. त्यामुळे येथे जिल्हा सत्र न्यायालय मुख्यालयापासून दूर अंतर
■ किनवट तालुका मुख्यालयापासून सुमारे १५० के.मी. अंतरावर आहे. त्यामुळे किनवट येथे अतिरिक्त जिल्हा व सत्र न्यायलाय उभारावे, अशी येथील नागरिकांची मागणी होती. या मागणीसाठी विविध घटकांनीही आंदोलने केली आहेत. न्यायालय मंजूर न झाल्यास तेलंगणात जाण्याचा इशाराही दिला होता.
मंजूर करावे, अशी नागरिकांची मागणी होती. या मागणीसाठी अनेक वेळा आंदोलनेही करण्यात आली. दरम्यान, २२ एप्रिल रोजी नांदेड येथील जिल्हा व सत्र न्यायालयाच्या वतीने किनवट येथील बार असोसिएशनच्या जिल्हाध्यक्षांना पत्र पाठविले असून त्यात किनवट येथे जिल्हा आणि अतिरिक्त सत्र न्यायालय उभारणीसाठी मंजुरी दिल्याचे म्हटले आहे. किनवट आणि माहूर तालुक्यासाठी विशेष बाब म्हणून या ठिकाणी भौतिक सुविधा उपलब्ध करण्याचेही या पत्रात सूचित केले आहे. दरम्यान, किनवट येथे अतिरिक्त जिल्हा व सत्र न्यायालय उभारण्याचा मार्ग मोकळा झाल्याने या भागातील पक्षकार, वकिलांची अनेक दिवसांची मागणी पूर्ण होणार आहे.
