नांदेड दि. 4 आमदार प्रताप पाटील चिखलीकर यांनी रमजान महिन्याच्या कालावधीमध्ये मुस्लिम बांधवांच्या सोयीसाठी रात्री उशिरापर्यंत दुकाने आणि आस्थापना चालू ठेवण्याची मागणी केली होती त्यावर कामगार आयुक्त आणि 2017 च्या महाराष्ट्र दुकाने अधिनियमांचा दाखला देऊन सण उत्सवाच्या कालावधीमध्ये रात्री उशिरापर्यंत दुकाने आणि आस्थापना चालू ठेवण्यास परवानगी आहे असे सूचित केले आहे हे करत असताना कामगारांकडून आठ तासांपेक्षा जास्त काम करून घेतले जाऊ नये आणि त्यांना साप्ताहिक एक सुट्टी दिली जावी याचे पालन करणे आवश्यक आहे.
यासोबतच दिवाळी नाताळ या उत्सवाच्या कालावधीमध्ये देखील रात्री उशिरापर्यंत दुकाने आणि आस्थापना चालू ठेवण्यास कोणतीही हरकत नाही असे नमूद केले आहे. यामुळे मुस्लिम बांधवांना आता रमजान महिन्यांमध्ये अधिक चांगल्या प्रकारे इबादत करणे आणि खरेदी करणे सोयीचे होणार आहे. आमदार प्रताप पाटील चिखलीकर यांनी केलेल्या मागणीमुळे मुस्लिम बांधवांनी आमदार प्रताप पाटील चिखलीकर यांचे आभार व्यक्त केले आहेत.
