गंजेगाव नदिकाठावरील हजारो ब्रास अवैध रेती साठा जप्त करून गुन्हा दाखल करा – राहुल जिगळेकर यांची पोलीस निरीक्षकांकडे मागणी
जिल्हाप्रतिनिधी : सामाजिक कार्यकर्ते राहुल जिगळेकर यांनी पोलीस निरीक्षक पोलिस ठाणे बिलोली यांच्याकडे तक्रार दाखल केली आहे की, मौजे गंजगाव येथील नदी काठावरील चोरीने सुपीक जमीनीवर शासनाची कोणतीही परवानगी न घेता अवैधरित्या रात्रंदिवस रेती साठा ५-७ हजार ब्रास केलेला जप्त करून चोरीचा गुन्हा दाखल करण्याची मागणी केली आहे.
यासंदर्भात सविस्तर वृत्त असे की, गट क्रमांक २८० व गट क्रमांक ३२५ आणि घरकुलासाठी शासकीय गटातील राखीव ठेवलेल्या गटातून मोठ्या प्रमाणात रात्रंदिवस अनावश्यक पोकलेन मशीन -८ व सेक्शन पंप २ च्या सहाय्याने शासन नियम अटी भंग करत शेती जमीन मालकाच्या नावाने ठेका घेऊन शासनाने दिलेल्या अटि व शर्तीचे भंग करत तेलंगणातील श्रीनिवास राव व गंगप्पा नामक व्यक्ती यांना हस्तांतरण करून मोठ्या प्रमाणात कृषक जमीनीवर ५-७ हजार ब्रास अवैधरित्या रेती साठा जमवलेला असल्याचे तक्रारीत म्हणत सदरचा साठा जप्त करून चोरीचा गुन्हा दाखल करण्याची मागणी सामाजिक कार्यकर्ते राहुल जिगळेकर यांनी पोलीस निरीक्षक बिलोली यांच्याकडे केली आहे.
