नांदेड, 9 ऑगस्ट 2025 – शनिवार, क्रांती दिनानिमित्त सकल दिव्यांग संघटनेच्या वतीने नांदेड दक्षिण विधानसभा मतदारसंघाचे आमदार आनंद तिडके बोंढारकर यांच्या बोंढार येथील कार्यालयासमोर आणि नंतर त्यांच्या निवासस्थानी आंदोलन करण्यात आले.
हे आंदोलन सकाळी ठिक 11 वाजता अर्धनग्न अवस्थेत, हलगीच्या तालावर आणि देशभक्तीपर गीतांच्या माध्यमातून पार पडले. यावेळी सुमारे 30 दिव्यांग महिलांनी आमदारांना राखी बांधून औक्षण केले आणि दरवर्षी “दिव्यांगांचा आमदार” म्हणून खर्च करण्याची ओवाळणी मागणी केली.
संघटनेच्या पदाधिकाऱ्यांनी सांगितले की, हे आंदोलन दिव्यांगांच्या हक्कांसाठी जागरूकता निर्माण करण्याच्या उद्देशाने आयोजित करण्यात आले होते.
