नांदेड (प्रतिनिधी) : नांदेड जिल्ह्यातील देगलुर तालुक्यातील करडखेडवाडी शिवारात पोलिसांनी मोठी कारवाई करत अमली पदार्थ गांजाची लागवड उघड केली आहे. आरोपी बालाजी रुक्माजी कोंकेवार (रा. करडखेडवाडी, ता. देगलुर, जि. नांदेड) याच्या शेतातून गांजाची 95 झाडे, वजन 14 किलो 150 ग्रॅम, किंमत अंदाजे 2 लाख 83 हजार रुपये** असा मुद्देमाल जप्त करण्यात आला आहे.
ही कारवाई मा. पोलीस अधीक्षक नांदेड श्री. अभिनाश कुमार यांनी सुरू केलेल्या ऑपरेशन फ्लश आउट मोहिमेअंतर्गत करण्यात आली. त्यांनी अवैध धंद्यावर कार्यवाही करण्याचे आदेश देगलुर पोलीस निरीक्षकांना दिले होते.
दिनांक 25 सप्टेंबर 2025 रोजी गुन्हे शोध पथकास गोपनीय माहिती मिळाल्यानंतर पोलीस निरीक्षक श्री. मारोती श्रीराम मुंडे यांच्या मार्गदर्शनाखाली पथकाने छापा टाकला. या कारवाईत नायब तहसीलदार श्री. पदमावार, दोन शासकीय पंच, फोटोग्राफर व इलेक्ट्रॉनिक काटा धारक उपस्थित होते. तुरीच्या पिकामध्ये गांजाची झाडे लपवून ठेवलेली आढळली.
सदर मुद्देमाल जप्त करून आरोपीविरुद्ध गुन्हा दाखल करण्यात आला आहे.
