नांदेड जिल्ह्यातील जुनागंज परिसरात गुरुवारी सायंकाळी घडलेल्या एका दुखद आणि धक्कादायक घटनेने संपूर्ण महाराष्ट्रच नाही तर सोशल मीडियाही हादरून गेले आहे. प्रेमसंबंधाला जिवावर उठून विरोध करणाऱ्या कुटुंबाने तरुणाची निर्घृण हत्या केली. मात्र या घटनेनंतर मृत प्रियकराच्या घरात जाऊन प्रेयसीने मृतदेहासमोर त्याच्या नावाचे कुंकू कपाळावर लावले आणि उघडपणे न्यायासाठी आक्रोश केला. एका चित्रपटाचा प्रसंग प्रत्यक्ष आयुष्यात उतरल्यासारखी ही दृश्ये पाहून वातावरण शोकमग्न झाले.
प्रेमकहाणीची सुरुवात – तीन वर्षांचं नातं सक्षम ताटे आणि आचल मामीलवाड गेली तीन वर्षे प्रेमसंबंधात होते.
सक्षम हा मुलीच्या भावाचा मित्र.
घरी येणं-जाणं असल्यामुळे दोघांमध्ये मैत्री झाली आणि नातं पुढे वाढलं.
दोघांनीही भविष्यासंबंधी अनेक स्वप्नं उराशी बाळगली होती.
रंतु आचलच्या कुटुंबाला हे नातं कधीच पटले नाही. प्रेमसंबंध थांबवण्यासाठी अनेक वेळा धमक्या, ओरड, दबाव येत होता.
हत्या होण्यापूर्वी वाढत गेलेला तणाव आचल सांगते की—
“सक्षम जेलमधून सुटल्यानंतर माझ्या घरच्यांचा राग आणखी वाढला.”
“ते त्याच्यावर सतत लक्ष ठेवू लागले आणि त्याच्या हालचालींची माहिती मिळवत होते.” “मलाही त्याच्याशी बोलल्याबद्दल धमक्या देत होते.”
दरम्यान, परिसरातील काही लोकांतही या प्रश्नावर तणाव निर्माण झाल्याची चर्चा आहे. मुलीची आई जयश्री मामीलवाड हिनेही घटनेच्या दोन तास आधी सक्षमच्या घरी जाऊन धमकी दिल्याचे बोलले जात आहे.
गुरुवारी संध्याकाळी घडलेला भयानक प्रसंग
गुरुवार, संध्याकाळी सुमारे 5.30 च्या दरम्यान नांदेडमधील जुनागंज भागात ही भीषण घटना घडली. पोलिसांच्या माहितीनुसार:
मुलीचे वडील गजानन मामीलवाड, दोन्ही भाऊ साहिल आणि हिमेश, तसेच काही साथीदारांनी सक्षमला रस्त्यात अडवलं.
त्याला प्रथम गोळी झाडली.
त्यानंतर फरशीने डोक्यात मारून निर्दयपणे हत्या केली.
संपूर्ण परिसरात काही क्षणांसाठी भीतीचं वातावरण निर्माण झालं.
ज्या जागेवर खून करण्यात आला, तिथे रक्ताचे डोह आणि तुटलेली फरशी पाहूनही हे गुन्हेगार पळून गेले.
प्रियसीची धाव सक्षमच्या घरी – “मी त्याचीच आहे…”
सक्षमचा मृतदेह घरी आणल्यानंतर वातावरण शोकमग्न होतं. त्याचवेळी आचल रडत-ओक्साबोक्सी त्या घरी आली. तिच्या डोळ्यांत संताप, वेदना आणि असहायता होती.
तिने मृतदेहाजवळ बसून टाहो फोडला आणि म्हणालीः
“सक्षम आता नाही, पण मी त्याचीच आहे.”
“त्याच्या प्रेमावर माझा हक्क आहे.”
अंत्यविधीपूर्वी तिने हळद लावली आणि सक्षमच्या नावाचे कुंकू कपाळावर भरले. जणू ती स्वतःला त्याची पत्नी असल्याचे जगासमोर जाहीर करत होती.
हे पाहून मृतकाचे नातेवाईक, शेजारी आणि उपस्थित लोक अश्रूंना आवरू शकले नाहीत.
आचलचे गंभीर आरोप – “माझ्या आई-बापाला व भावाला फाशी द्या”
आचलने माध्यमांसमोर अतिशय हृदयद्रावक विधान केलेः
“माझ्या प्रियकराचा खून माझ्या घरच्यांनीच केला.”
“ते तीन वर्षांपासून आमच्या नात्याला विरोध करत होते.”
“जेलमध्ये जाऊन आल्यावर सक्षमला मारून टाकण्याचा कट रचत होते.”
“जातीच्या वादातूनही ही घटना घडली आहे.”
“माझ्या आई, वडील आणि भावांना फाशीची शिक्षा द्या.”
तिने पुढे सांगितले की—“सक्षम आता नसलं तरी आमचं प्रेम जिवंत आहे. मी त्याच्या घरीच राहणार, त्याची बनून.”
पोलिसांची जलद कारवाई
पीडिताच्या आईच्या फिर्यादीवरून पोलिसांनी आठ आरोपींवर खून व अट्रॉसिटी कायद्यानुसार गुन्हा नोंदवला. १२ तासांच्या आत सर्व आरोपी अटक.
घटनास्थळाच्या जवळपास असलेल्या CCTV फुटेजची तपासणी सुरू आहे.
शस्त्र कुठून घेतले, कट कधी रचला, कोण–कोण सामील होते याचा तपास सुरू आहे.
समाजातील प्रतिक्रिया ही घटना उघड झाल्यानंतर
सोशल मीडियावर संतापाची लाट. “ऑनर किलिंग”चे पुन्हा डोके वर काढल्याचे लोकांचे मत. तरुणाईत भय आणि संतापाची भावना वाढली आहे.
काही ठिकाणी आदिवासी संघटनांनी, काही ठिकाणी सामाजिक संघटनांनी न्यायाची मागणी सुरू केली आहे.
–
