लोहा : शहरातील प्रभाग क्रमांक ३ मधील नागरिकांच्या सोयीसाठी नगरसेविका सौ. गितांजली व्यंकटेश संगेवार यांच्या वतीने कचरा संकलनासाठी घंटागाडीचे उद्घाटन तसेच नागरिकांना कचराकुंड्यांचे वाटप करण्यात आले.
यावेळी माजी आमदार रोहिदास चव्हाण, डॉ. दीपक भारती, संगेवार काका, डॉ. कानवटे, माजी उपनगराध्यक्ष व्यंकटेश संगेवार, डॉ. सौ. अनुजा बेरळकर, माजी नगरसेवक अनिल दाढेल, शरफोद्यीन शेख, डॉ. गणेश चव्हाण, डॉ. सोमावार, नगरसेवक प्र. कैलास कहाळेकर यांच्यासह प्रभागातील नागरिक मोठ्या संख्येने उपस्थित होते.
प्रभागातील स्वच्छता व्यवस्था अधिक सक्षम करण्यासाठी घंटागाडीच्या माध्यमातून नियमित कचरा संकलन करण्यात येणार असून, नागरिकांनी कचरा रस्त्यावर न टाकता उपलब्ध करून देण्यात आलेल्या कचराकुंड्यांचा वापर करावा, असे आवाहन यावेळी करण्यात आले. छाया : विनोद महाबळे
