मुदखेड तालुका प्रतिनिधी: मुदखेड : शिवसेना अल्पसंख्याक विभागाच्या भोकर विधानसभा उपप्रमुखपदी मोहम्मद हकीम मोहम्मद गौस यांची नियुक्ती करण्यात आली आहे. शिवसेना अल्पसंख्याक विभागाचे नांदेड जिल्हाप्रमुख अन्वर अहमद यांच्या स्वाक्षरीने तसेच वरिष्ठ नेत्यांच्या मार्गदर्शनानुसार हे नियुक्तीपत्र देण्यात आले.
शिवसेनाप्रमुख बाळासाहेब ठाकरे यांच्या आशीर्वादाने तसेच पक्षप्रमुख व महाराष्ट्राचे उपमुख्यमंत्री एकनाथराव शिंदे, उपनेते डॉ. श्रीकांत शिंदे, उपनेते हेमंत पाटील आणि शिवसेना अल्पसंख्याक विभागाचे प्रदेशाध्यक्ष सईद भैय्या खान यांच्या सूचनेनुसार ही नियुक्ती करण्यात आल्याचे नियुक्तीपत्रात नमूद करण्यात आले आहे.
नांदेड जिल्ह्याचे मार्गदर्शक आमदार बालाजीराव कल्याणकर, आमदार आनंद पाटील बोकारकर तसेच आमदार बालाजी कदम कोहळीकर यांच्या नेतृत्वाखाली पक्षाचे काम अधिक प्रभावीपणे करण्याची अपेक्षा नियुक्तीपत्रातून व्यक्त करण्यात आली आहे.
नवनियुक्त उपप्रमुख मोहम्मद हकीम मोहम्मद गौस यांनी सर्वांना सोबत घेऊन शिवसेना पक्षाच्या वाढीसाठी सक्रियपणे कार्य करावे, अशी अपेक्षाही व्यक्त करण्यात आली आहे.
दरम्यान, मोहम्मद हकीम मोहम्मद गौस यांची नियुक्ती झाल्याबद्दल शिवसेना पदाधिकारी, कार्यकर्ते व समर्थकांकडून त्यांचे अभिनंदन करण्यात येत आहे.
