नांदेड, १३ एप्रिल २०२५ : शिवाजीनगर पोलीस ठाण्याच्या हद्दीतील वसंतराव नाईक चौकाजवळ नागार्जुना हॉटेल परिसरात विना परवाना सुरू असलेल्या तिर्रट नावाच्या बेकायदेशीर जुगार अड्ड्यावर पोलिसांनी छापा टाकत कारवाई केली. या कारवाईत रोख १८,५२० रुपये व जुगाराचे साहित्य जप्त करण्यात आले आहे.
याप्रकरणी मधुकर निळकंठ बोरसे (वय ५८, रा. आनंदनगर, नांदेड) आणि इतर आरोपींविरुद्ध शिवाजीनगर पोलीस ठाण्यात कलम ४, ५ म. जु. कायदा अंतर्गत गुन्हा दाखल करण्यात आला आहे. सदर कारवाई पोलीस हेडकॉन्स्टेबल सचिन मारोती गायकवाड यांच्या फिर्यादीवरून करण्यात आली.
या प्रकरणाचा तपास पोलीस नाईक पाटील करीत आहेत. जुगारावर निर्बंध आणण्यासाठी व अशा बेकायदेशीर क्रियाकलापांना आळा बसावा यासाठी ही कारवाई केल्याचे पोलिसांनी सांगितले.
