नांदेड शहरात गेल्या वर्षभरापासून विविध गुन्ह्यांमध्ये फरार असलेल्या आरोपीला अखेर स्थानिक गुन्हे शाखेच्या पथकाने अटक केली.
पोलिस अधिकारी आणि अंमलदार: अविनाश कुमार, पोलीस अधीक्षक, नांदेड
खंडेराव धरणे, अपर पोलीस अधीक्षक, भोकर, सुरज गुरव, अपर पोलीस अधीक्षक, नांदेड, उदय खंडेराय, पोलीस निरीक्षक, स्था. गु. शा., साईनाथ पुयड, पोलीस उपनिरीक्षक, स्था. गु. शा., मारोती चव्हाण, पोलीस उपनिरीक्षक, सायबर सेल
अंमलदार: मधुकर टोणगे, विलास कदम, गणेश घुमाळ, संदीप घोगरे, बालाजी कदम, अमोल घेवारे, राजेंद्र सिटीकर (सायबर सेल), दिपक ओढणे
आरोपीचे नाव प्रभज्योतसिंघ ऊर्फ रणजितसिंघ पि. जसपालसिंघ सिध्दु ऊर्फ ढाकणीवाले, वय 20 वर्षे, व्यवसाय: बेकार, रा. ढाकणी, ता. लोहा, जि. नांदेड
पोलीस अधीक्षक अविनाश कुमार यांच्या आदेशानुसार नांदेडमधील पाहिजे व फरार आरोपींचा शोध घेण्याचे काम पोलीस निरीक्षक उदय खंडेराय यांच्याकडे सोपविण्यात आले होते. त्याअंतर्गत, दि. 01/06/2025 रोजी पोलीस उपनिरीक्षक साईनाथ पुयड आणि त्यांच्या पथकाने वजिराबाद पोलीस स्टेशनच्या गुन्हे क्रमांक 507/2024 (कलम 109, B.N.S.) आणि गुन्हे क्रमांक 282/2024 (कलम 326 भा.दं.वि. सह कलम 4/25 शस्त्र अधिनियम) यामध्ये फरार असलेला प्रभज्योतसिंघ ऊर्फ रणजितसिंघ सिध्दु ऊर्फ ढाकणीवाले याचा शोध घेतला.
गुप्त बातमीदारामार्फत मिळालेल्या खात्रीशीर माहितीच्या आधारे, पथकाने ढाकणी गावात छापा टाकून आरोपीला ताब्यात घेतले. आरोपीवर वजिराबाद पोलीस ठाणे हद्दीतच नव्हे, तर इतर काही गंभीर गुन्ह्यांची नोंदही असल्याचे उघड झाले.
आरोपीला ताब्यात घेऊन वजिराबाद पोलीस ठाण्यात पुढील कायदेशीर कारवाईसाठी दाखल करण्यात आले आहे.
पोलीस अधीक्षक मा. अविनाश कुमार यांनी साईनाथ पुयड आणि त्यांच्या पथकाच्या उत्कृष्ट कामगिरीचे कौतुक करून त्यांचे अभिनंदन केले आहे. कुठल्याही गुन्हेगाराला थांबवण्यासाठी पोलीस यंत्रणा सज्ज असल्याचे या यशस्वी कारवाईतून दिसून येते.
