नांदेड ग्रामीण पोलिसांची प्रभावी कारवाई – आठ सराईत गुन्हेगारांना सहा महिन्यांसाठी जिल्हाबंदी
नांदेड, ५ जून २०२५ – नांदेड जिल्ह्यातील शांतता व सुव्यवस्था अबाधित राखण्यासाठी नांदेड ग्रामीण पोलिसांनी धडाकेबाज कारवाई करत एकूण ८ सराईत गुन्हेगारांना महाराष्ट्र पोलीस अधिनियम कलम 56 (1)(ब) अंतर्गत सहा महिन्यांसाठी जिल्ह्याबाहेर हद्दपार केले आहे.
ही कारवाई पोलीस अधीक्षक मा. श्री. अबिनाश कुमार, अपर पोलीस अधीक्षक सुरज गुरव, अपर पोलीस अधीक्षक (भोकर) खंडेराव धरणे, तसेच उपविभागीय पोलीस अधिकारी सुशीलकुमार नायक यांच्या मार्गदर्शनाखाली पार पडली.
कारवाई करणारे अधिकारी: ओमकांत चिंचोलकर, पोलीस निरीक्षक
व्यंकट कुसमे, ज्ञानेश्वर मटवाड, बाबुराव चव्हाण, पोलीस उपनिरीक्षक
पोहेकॉ. 2434 कन्हाळे, पोकॉ. 1500 सिरमलवार, पोकॉ. 914 तेजबंद, पोकॉ. 946 कल्याणकर (सर्व अधिकारी पो.स्टे. नांदेड ग्रामीण येथे कार्यरत)
हद्दपार करण्यात आलेल्या गुन्हेगारांची नावे: ऋत्विक गोपाळ पदमवार (रा. विष्णुपुरी), आकाश ऊर्फ टमाट्या आनंदराव कदम (रा. राहुलनगर वाघाळा)
दिलीप पुंडलीकराव डाकोरे (रा. रविनगर, कौठा) ज्ञानेश्वर नरहरी पुंड (रा. कौठा)
… आणि इतर चार सराईत गुन्हेगार
कारवाईचे पार्श्वभूमी: पोलीस अधीक्षक श्री. अबिनाश कुमार यांनी जिल्ह्यातील सर्व पोलीस ठाण्यांना आदेश दिले होते की, गुन्हेगारी पार्श्वभूमी असलेल्या, वारंवार गुन्हे करणाऱ्या इसमांवर प्रतिबंधात्मक कारवाई करून त्यांचेवर हद्दपारी किंवा स्थानबद्धतेसारखी कठोर पावले उचलावीत.
त्याअंतर्गत नांदेड ग्रामीण पोलीस स्टेशनने संबंधित गुन्हेगारांविरोधात सखोल माहिती गोळा केली. त्यांच्या विरोधात गंभीर दुखापत, बेकायदेशीर शस्त्र बाळगणे यांसारख्या गुन्ह्यांची नोंद असल्याने, एकूण ३४ हद्दपार प्रस्ताव उपविभागीय दंडाधिकाऱ्याकडे सादर करण्यात आले होते. त्यातील ८ प्रस्ताव मंजूर होऊन संबंधित गुन्हेगारांना आजपासून सहा महिन्यांसाठी नांदेड जिल्ह्यातून हद्दपार करण्यात आले आहे.
सदर कारवाईमुळे गुन्हेगारी प्रवृत्तींना चाप बसण्यास मदत होणार असून, नागरिकांमध्ये कायद्याविषयी विश्वास दृढ होईल, असे मत व्यक्त करत पोलीस अधीक्षक मा. श्री. अबिनाश कुमार यांनी संबंधित पोलीस अधिकाऱ्यांचे कौतुक केले आहे.
ही कारवाई नांदेड जिल्ह्यातील कायदा व सुव्यवस्थेसाठी एक महत्त्वपूर्ण पाऊल ठरत असून, भविष्यात गुन्हेगारीवर नियंत्रण मिळवण्याच्या दृष्टीने महत्त्वपूर्ण ठरणार आहे.
