नांदेड, लोहा तालुका. ११ जून: मृग नक्षत्राच्या आगमनानंतर सुरू झालेल्या दमदार पावसामुळे जिल्ह्यात सर्वत्र आनंदाचे वातावरण निर्माण झाले असून, शेतकऱ्यांनी पेरणीला वेग दिला आहे. अनेक ठिकाणी शेतकरी शिवारात उतरल्यानाचे दृश्य पाहायला मिळत आहे.
गेल्या काही दिवसांपासून उष्णतेने हैराण झालेल्या शेतकऱ्यांना पावसाच्या संततधार सरींमुळे मोठा दिलासा मिळाला आहे. मृग नक्षत्राच्या पहिल्याच आठवड्यात समाधानकारक पाऊस झाल्याने सोयाबीन, तूर, मूग, उडीद यांसारख्या पिकांची पेरणी सुरू झाली आहे.
शेती हंगामाची गडबड सुरू झाली असून, ट्रॅक्टर, बैलजोड्या, बी-बियाणे घेऊन शेतकरी शेतात उतरत आहेत. पेरणीच्या कामात महिला, पुरुष आणि तरुण वर्ग उत्साहाने सहभागी होत आहेत.
“यावर्षी वेळेवर पाऊस झाल्यामुळे पीक उत्पादन चांगले होईल,” अशी अपेक्षा शेतकरी व्यक्त करत आहेत.
(शेतकऱ्यांच्या पेरणीतील व्यस्ततेचे दर्शन घडवणारे शिवारातील चित्र) छायाचित्र: विनोद महाबळे
