परभणी आज दि. 24 जून रोजी पाथरी विधानसभेचे आमदार राजेश विटेकर यांच्या हस्ते चक्रवर्ती वाघमारे यांना नियुक्ती पत्र देऊन सत्कार करण्यात आला. राष्ट्रवादी काँग्रेस अजित पवार गटाचे प्रदेशाध्यक्ष सुनील तटकरे यांच्या आदेशावरून चक्रवती वाघमारे यांची समाज कल्याण विभाग पूर्णा तालुकाध्यक्षपदी नियुक्ती करण्यात आली असून आज नियुक्तीचे पत्र आमदार राजेश विटेकर यांच्या हस्ते देण्यात आले.
यावेळी आमदार राजेश विटेकर यांनी प्रथम डॉ बाबासाहेब आंबेडकर यांच्या पुतळ्यास पुष्पहार अर्पण करून अभिवादन केले या नंतर चक्रवर्ती वाघमारे यांना नियुक्ती चे पत्र दिले. यावेळी मिलिंद लोंढे, आनंद दीपक, अंबादास ढोगरे, प्रा. अरुण कुमार लेमाडे, माणिक भदरगे, भागोजी गायकवाड, मंगेश गायकवाड, महेंद्र देवने, गोविंद गजभारे, मारुती ढाले, एम. डी. श्रीराज आदींची उपस्थिती होती.
