लोहा : स्वातंत्र्यदिनाच्या औचित्याने लोहा तहसील कार्यालयात मुख्यध्वज रोहना सोहळा उत्साहात पार पडला. ध्वजारोहणानंतर तहसील परिसरात विविध शासकीय योजनांचा लाभ घेणाऱ्या नागरिकांना कुटुंब अर्थसाहाय्य योजनेची पत्रे वितरित करण्यात आली.
या कार्यक्रमास आ. प्रतापराव पाटील चिखलीकर, तहसीलदार विठल परळीकर, तसेच गटनेते करीम शेख उपस्थित होते. यावेळी लाभार्थ्यांच्या चेहऱ्यावर आनंद झळकत होता.
सरकारच्या जनकल्याणकारी योजनांमुळे सामान्य नागरिकांना आधार मिळत असून ग्रामीण भागात या योजनांचा मोठा फायदा होत असल्याचे मत उपस्थित मान्यवरांनी व्यक्त केले. छायाचित्र : विनोद महाबळे
