खून करून फरार झालेल्या अज्ञात आरोपींना तीन तासात बेड्या

नांदेड: नांदेड ग्रामीण पोलिसांच्या अत्यंत वेगवान आणि अचूक कामगिरीमुळे खून करून फरार झालेल्या तिघा अज्ञात आरोपींना केवळ तीन तासांच्या आत अटक करण्यात पोलिसांना यश मिळाले. ही कारवाई नांदेडचे पोलिस अधीक्षक अभिनाश कुमार यांच्या निर्देशानुसार करण्यात आली.

अटक करण्यात आलेले आरोपी नागेश राजेंद्र गवळे वय 20 वर्षे, व्यवसाय मजुरी, रा. शाहूनगर वाघाळा, ता. जि. नांदेड, अभिजीत राजू गजभारे वय 20 वर्षे, व्यवसाय मजुरी, रा. धनेगाव, ता. जि. नांदेड, लक्की राजकुमार पारखे वय 19 वर्षे, व्यवसाय मजुरी, रा. गौतमनगर, किल्लारोड, नांदेड

यामाहा मोटरसायकल (MH 26 CW 9349) ही गुन्ह्यात वापरण्यात आली होती, तीही जप्त करण्यात आली आहे.

दिनांक 14 नोव्हेंबर 2025 रोजी संध्याकाळी अंदाजे 6.45 ते 7.15 वाजताच्या दरम्यान पंचशील नगर येथे फिर्यादी यांचा मुलगा राष्ट्रपाल तुकाराम कपाळे (वय 39 वर्षे) हा आपल्या किराणा दुकानात बसला असताना अज्ञात व्यक्तीने धारदार शस्त्राने छातीत व पाठीवर वार करून त्याचा खून केला.

तक्रार मिळताच पोलीस निरीक्षक ओमकांत चिंचोलकर यांनी गुन्ह्याचा तपास लागण्यासाठी पाच स्वतंत्र पथकांची** तात्काळ नियुक्ती केली.

तपासात पुढे आलेला महत्त्वाचा धागा तपासादरम्यान उघड झाले की, सुमारे 16–17 वर्षांपूर्वी मयत राष्ट्रपाल कपाळे यांनी राजू गवळे याचा खून केला होता. या वैमनस्यातून सदर खून झाला असण्याची शक्यता वर्तवून पोलिसांनी राजू गवळे याचा मुलगा नागेश गवळे याचा शोध घेतला.

चौकशीदरम्यान नागेशने कबुली दिली की, त्याने आपल्या मित्रांसह
अभिजीत गजभारे आणि लक्की पारखे यांच्यासोबत मिळून राष्ट्रपाल कपाळे यांना दुकानात जाऊन खंजराने वार करून ठार मारले आणि मोटरसायकलवरून फरार झाले.

तीन तासांत गुन्हा उघड गुन्हे शोध पथकाने अथक प्रयत्न करून तिन्ही आरोपींना तसेच गुन्ह्यात वापरलेली मोटरसायकल ताब्यात घेत फक्त तीन तासांत खुनाची उकल केली.