सोनखेड, प्रतिनिधी : सोनखेड येथे Chhatrapati Shivaji Maharaj यांच्या पुतळ्याच्या सुशोभीकरण व पूजनाचा कार्यक्रम उत्साहपूर्ण वातावरणात पार पडला. यावेळी परिसरात शिवभक्तांची मोठी उपस्थिती होती.
कार्यक्रमाला आमदार प्रतापराव पाटील चिखलीकर, आमदार आनंदराव बोंडारकर, उपसरपंच सुनील मोरे, पंजाबराव काका, उपनगराध्यक्ष करीम शेख, बळीराम पाटील कदम, उपविभागीय अभियंता शिवाजी राठोड, रमेश माळी, अशोकराव मोरे, सोपान मोरे, कच्छवे, माधव पाटील, माणिक मोरे आदी मान्यवर उपस्थित होते.
मान्यवरांच्या हस्ते छत्रपती शिवाजी महाराजांच्या पुतळ्यास पुष्पहार अर्पण करून अभिवादन करण्यात आले. यावेळी शिवाजी महाराजांच्या कार्याचा गौरव करत त्यांच्या आदर्शांवर चालण्याचे आवाहन करण्यात आले.
कार्यक्रमामुळे परिसरात भक्तीमय आणि प्रेरणादायी वातावरण निर्माण झाले होते. शिवभक्तांनी जयघोष करत सोहळ्याला उत्स्फूर्त प्रतिसाद दिला. छाया : विनोद महाबळे
