नांदेड, दि.11- जिल्हा परिषद नांदेड येथे दिनांक 13 मार्च 2026 रोजी आयोजित करण्यात आलेली पेन्शन अदालत रद्द करण्यात आली आहे.
दिनांक 13 मार्च 2026 रोजी अर्थ विभागाच्या वतीने बजेट संदर्भात महत्त्वाची पूर्व बैठक आयोजित करण्यात आली आहे. या बैठकीस मुख्य कार्यकारी अधिकारी मेघना कावली यांना उपस्थित राहणे आवश्यक असल्यामुळे पेन्शन अदालत पुढे ढकलण्याचा निर्णय घेण्यात आला आहे.
त्यामुळे 13 मार्च 2026 रोजी आयोजित करण्यात आलेली पेन्शन अदालत रद्द करण्यात आली असून या पेन्शन अदालतीचा सुधारित दिनांक व वेळ पुढील काळात स्वतंत्रपणे कळविण्यात येणार असल्याची माहिती सामान्य प्रशासन विभागाकडून देण्यात आली आहे. तसेच ही माहिती विविध विभागांमार्फत सर्व संबंधित सेवा निवृत्त अधिकारी व कर्मचारी संघटनांना कळविण्याचे आवाहनही करण्यात आले आहे.
