नांदेड,२४- प्रजा बहुउद्देशीय सेवाभावी संस्था तथा भास्कर व्यायामशाळा व क्रीडा मंडळ, नांदेड यांच्या संयुक्त विद्यमाने आयोजित राज्यस्तरीय पुरस्कार सोहळा- २०२६ अंतर्गत नांदेड येथील शिवाजी गोडबोले यांची प्रतिष्ठेच्या समाज भूषण पुरस्कारासाठी निवड करण्यात आली आहे.
या पुरस्कार वितरण समारंभाचे आयोजन रविवार, दि. २ ऑगस्ट रोजी सकाळी ११ वाजता नांदेड येथील डी.आर.एम. ऑफिस कॉम्प्लेक्स, येथे करण्यात आले आहे. या भव्य पुरस्कार सोहळ्यास विविध क्षेत्रांतील मान्यवर, साहित्यिक, सामाजिक क्षेत्रातील प्रतिष्ठित व्यक्ती, शासकीय अधिकारी तसेच अनेक मान्यवर उपस्थित राहणार असून त्यांच्या हस्ते पुरस्कारांचे वितरण होणार आहे. संस्थेने शिवाजी पांडुरंग गोडबोले यांचे अभिनंदन करत त्यांना कुटुंबीय, मित्रपरिवार व सहकाऱ्यांसह पुरस्कार वितरण समारंभास उपस्थित राहण्याचे आवाहन केले आहे.
