परभणीतून माय-लेकी बेपत्ता : माहिती असल्यास नानलपेठ पोलिसांशी संपर्क साधण्याचे आवाहन
परभणी, दि. 6 : परभणी शहरातील इंदिरा नगर येथील परविन जाविद शेख (40 वर्षे) आणि त्यांची मुलगी सना जाविद शेख (14 वर्षे) या दोघी गुरुवार (दि. 1) रोजी दुपारी सुमारे 2 वाजता शासकीय रुग्णालय, परभणी येथील वार्ड क्रमांक 4 परिसरातून बेपत्ता झाल्या असून, याप्रकरणी नानलपेठ पोलीस ठाण्यात गुन्हा नोंदविण्यात आला आहे.
सदरील बेपत्ता महिला ही 40 वर्षीय असून, परविन जाविद शेख आहे. त्यांची उंची सुमारे 5 फूट असून, रंग गोरा, केस काळे, डोळे काळे, नाक सरळ व चेहरा गोल आहे. त्यांनी साडी परिधान केलेली असून त्यावर बुरखा व ओढणी असल्याचे वर्णन आहे. त्यांच्याकडे विवो कंपनीचा मोबाईल असून त्यामध्ये जिओ कंपनीचे सिमकार्ड आहे.
बेपत्ता मुलगी सना जाविद शेख ही 13 वर्षे 10 महिने असून, उंची सुमारे 5 फूट आहे. तिचा रंग गोरा, केस काळे, डोळे काळे, नाक सरळ व चेहरा गोल आहे. तिने ड्रेस परिधान केलेला असून त्यावर बुरखा व ओढणी परिधान केली आहे. सदरील महिला व मुलगी यांच्याबाबत कोणास काही माहिती मिळाल्यास अथवा त्या कुठे आढळून आल्यास त्यांनी नानलपेठ पोलीस ठाणे ०२४५२-२२०४५०, पोलीस निरीक्षक गोबाडे ८८०५९५७४०० आणि पोहेकॉ/५२ एस.एस. मुरकुटे ८७६६८८१६८२ तात्काळ नानलपेठ पोलीस ठाणे, परभणी येथे संपर्क साधण्याचे आवाहन पोलिसांनी केले आहे.
