नेताजी सुभाषचंद्र बोस महाविद्यालयात सूक्ष्मजीवशास्त्र विभागातर्फे भित्तीपत्रकाचे सादरीकरण
अर्धापूर :- उध्दव सरोदे – प्रजासत्ताक दिनाचे औचित्य साधून नेताजी सुभाषचंद्र बोस महाविद्यालयात सूक्ष्मजीवशास्त्र विभागातर्फे विद्यार्थ्यांनी केलेल्या संशोधनाचे भित्तीपत्रकाद्वारे सादरीकरण करण्यात आले.यावेळी उपस्थित अभिनव भारत शिक्षण संस्थेचे अध्यक्ष बालासाहेब पांडे, कोषाध्यक्ष कैलासचंद्रजी काला, ने.सू.बो महाविद्यालयाचे प्राचार्य डॉ. एम.वाय.कुलकर्णी,माजी प्राचार्य डॉ. एस.व्ही.शिवणीकर,उपप्रचार्या डॉ. कल्पना कदम,इतर प्राध्यापक, कर्मचारी व विद्यार्थी यांनी सर्व भित्तीपत्रकास भेट देऊन सादरीकरण करणाऱ्या विद्यार्थ्यांचे कौतुक केले.
या सादरीकरणात पद्दूत्तर व पदवीचे विद्यार्थी वैशाली मोरे,निकिता कानोळे,प्रियंका लामतलवारे,सुप्रिया अरटवार,पूजा तोरणे,दीपाली खिलारे, दिशा येळगे,प्रीती लबडे,आयान सय्यद आणि शिवशंकर देशमुखे आदिंचा समावेश होता.या विद्यार्थ्यांचे मार्गदर्शक व सूक्ष्मजीवशास्त्र विभागप्रमुख डॉ.सागर साकळे याचे अभिनव भारत शिक्षण संस्थेचे अध्यक्ष बालासाहेब पांडे व ने.सू.बो महाविद्यालयाचे प्राचार्य डॉ.एम.वाय. कुलकर्णी यांनी अभिनंदन केले.
