नांदेड शहरात अवैध प्रवासी वाहतूक व नियमभंग करणाऱ्या वाहनांवर धडक कारवाई – ३,६९,३५०/- रुपयांचा दंड वसूल
नांदेड (प्रतिनिधी): शहरात दिवसेंदिवस वाढत असलेल्या वाहतूक समस्येवर नियंत्रण मिळवण्यासाठी आणि नागरिकांच्या सुरक्षेसाठी नांदेड पोलीस अधीक्षक मा. श्री. अभिनाश कुमार यांच्या आदेशानुसार शहर वाहतूक शाखा वजिराबाद व इतवारा यांच्या संयुक्त पथकांनी दिनांक २० एप्रिल २०२५ रोजी अवैध प्रवासी वाहतूक, विना परवाना/परमिट वाहने, गणवेश न परिधान करणारे अॅटोचालक, तसेच इतर वाहतूक नियमांचे उल्लंघन करणाऱ्यांवर धडक कारवाई केली.
या मोहिमेमध्ये एकूण ३४८ प्रकरणांवर कारवाई करण्यात आली असून एकूण ३,६९,३५०/- रुपयांचा दंड वसूल करण्यात आला आहे.
वजिराबाद वाहतूक शाखेची कारवाई (प्रभारी अधिकारी – श्री. साहेबराव गुट्टे):
पेड केसेस – १८: ₹६,६००, ऑनलाईन युपीआय केसेस – ८: ₹६,२५०, अनपेड केसेस – १३३: ₹१,८३,५००, ट्रिपल सीट वाहन – ६: ₹६,०००, गणवेश न परिधान करणारे अॅटोचालक – ५७: ₹४८,५००, एकूण केसेस – २२२ | एकूण दंड – ₹२,५०,८५०
इतवारा वाहतूक शाखेची कारवाई (प्रभारी अधिकारी – श्री. राजकुमार हिंगोले):
देगलूर नाका, जुना मोंढा, बर्की चौक परिसरात तपासणी, एकूण १२६ प्रकरणांवर कारवाई, दंड – ₹१,१८,५००/-
एकूण संयुक्त कारवाई:
प्रकरणे – ३४८, एकूण दंड – ₹३,६९,३५०/
सदर मोहिमेस मा. अपर पोलीस अधीक्षक श्री. सूरज गुरव यांचेही मार्गदर्शन लाभले. या कारवाईमध्ये शहर वाहतूक शाखा वजिराबाद व इतवारा, तसेच दंगल नियंत्रण पथकातील अधिकारी व पोलीस अंमलदार यांनी सहभाग घेतला.
नांदेड पोलीस प्रशासनाने नागरिकांना आवाहन केले आहे की, वाहतूक नियमांचे काटेकोर पालन करावे, अन्यथा कठोर कारवाईला सामोरे जावे लागेल.
