नवी दिल्ली | १३ जून २०२५ रेल्वे प्रवाशांसाठी एक महत्त्वाची बातमी समोर आली आहे. १ जुलै २०२५ पासून IRCTC ने तत्काळ बुकिंगसाठी काही नवीन नियम लागू करण्याचा निर्णय घेतला आहे. हे नियम IRCTC च्या वेबसाइट, अॅप तसेच पीआरएस काउंटर आणि अधिकृत एजंट यांना लागू असतील.
आधार नोंदणी अनिवार्य
१ जुलै २०२५ पासून, IRCTC वेबसाइट किंवा अॅपद्वारे तत्काळ तिकिटांची बुकिंग फक्त आधार प्रमाणीकरण केलेल्या वापरकर्त्यांद्वारेच करता येईल.
१५ जुलै २०२५ पासून ही पडताळणी ओटीपी आधारित असेल, म्हणजे वापरकर्त्याच्या आधार-संलग्न मोबाईलवर ओटीपी येईल आणि ते टाकल्याशिवाय बुकिंग करता येणार नाही.
नॉन-आधार वापरकर्त्यांसाठी नियम
१५ जुलै २०२५ पासून, जे प्रवासी पीआरएस काउंटर किंवा अधिकृत एजंट (YTSK) कडून तत्काळ तिकिटं बुक करणार आहेत, त्यांना देखील बुकिंग करणाऱ्या व्यक्तीच्या मोबाइलवर पाठवलेला ओटीपी टाकणे अनिवार्य असेल.
