नायगाव येथील नुरी फंक्शन हॉलमध्ये कुरेशी समाजाच्या वतीने एक महत्त्वपूर्ण बैठक आयोजित करण्यात आली होती. या बैठकीमध्ये नांदेड लोकसभेचे खासदार रवींद्र वसंतराव पाटील चव्हाण साहेब यांनी कुरेशी समाजाशी संपर्क साधत समाजावर होणाऱ्या अन्यायाविरोधात आपला ठाम पाठिंबा असल्याचे स्पष्टपणे सांगितले.
खासदार चव्हाण साहेब यांनी काही दिवसांपूर्वी नांदेडचे पोलीस अधीक्षक यांची वैयक्तिक भेट घेऊन कुरेशी समाजाच्या विविध समस्या त्यांच्यासमोर मांडल्या असल्याची माहिती त्यांनी दिली. समाजाने जे काही पुढील निर्णय घेतले आहेत, त्या निर्णयांच्या पूर्णपणे पाठीशी उभे राहण्याचे आश्वासनही त्यांनी दिले.
या सकारात्मक भूमिकेबद्दल नांदेड जिल्हा कुरेशी समाजाचे अध्यक्ष अब्दुल अजीज भाई कुरेशी तसेच उपस्थित संपूर्ण समाजबांधवांनी खासदार चव्हाण यांचे मन:पूर्वक आभार मानले.
या बैठकीत समाजातील अनेक मान्यवरांची उपस्थिती लाभली होती आणि एकजूट व सामूहिक विचारांच्या माध्यमातून पुढील वाटचालीसाठी दिशा ठरविण्यात आली.
