नांदेड | आज प्रभाग क्रमांक 12 येथील पाकीजा नगर भागात अमृत 2.0 योजनेअंतर्गत ड्रेनेज लाईनच्या कामाचा शुभारंभ नांदेड शहराचे माजी उपमहापौर अब्दुल गफार अब्दुल सत्तार यांच्या हस्ते करण्यात आला.
सदर प्रकल्पासाठी गुत्तेदारांशी सातत्याने पाठपुरावा करून अखेर हे काम मार्गी लावण्यात यश आले आहे. त्यामुळे परिसरातील नागरिकांमध्ये समाधानाचे वातावरण आहे. या कामाच्या सुरुवातीने परिसरातील सांडपाणी समस्येवर कायमस्वरूपी तोडगा मिळण्याची शक्यता निर्माण झाली आहे.
यावेळी प्रभागातील सर्व नागरिकांनी माजी उपमहापौर अब्दुल गफार तसेच स्थानिक नगरसेवकांचे आभार मानले. कार्यक्रम प्रसंगी मोहसीन शेख, अफजल भाई, चांद भाई, सद्दाम भाई, नासिर भाई, रशीद कुरेशी यांची उपस्थिती लक्षणीय होती.
तसेच, नांदेड महानगरपालिकेचे आयुक्त महेश कुमार डोईफोडे, शहर अभियंता सुमन पाटील, तसेच ज्युनिअर इंजिनिअर जककी सर यांचे देखील माजी उपमहापौर अब्दुल गफार यांनी विशेष आभार मानले.
