परळी–आदिलाबाद डेमू मधील तांत्रिक बिघाडानंतर नांदेड विभागाची तात्काळ व प्रवासीहितदर्शी उपाययोजना
दिनांक 26.11.2025 रोजी परळी–आदिलाबाद डेमू क्र. 77615 ला देवठाणा हॉल्ट (थेरबन–हदगाव रोड स्टेशनांदरम्यान) मुदखेड-आदिलाबाद सेक्शनमध्ये तांत्रिक बिघाड (अॅक्सल लॉक)झाला. या कारणामुळे हिमायतनगर–आदिलाबाद दरम्यान गाडी अंशतः रद्द करण्यात आली. घटनेनंतर नांदेड विभागाने तात्काळ हालचाल करून प्रवाशांच्या सुरक्षित, सुलभ व वेळेवर पुढील प्रवासासाठी अनेक प्रवासी-केंद्रित उपाययोजना राबवल्या.
नांदेड विभागाकडून घेण्यात आलेली प्रमुख पावले :
1. तात्काळ मदत, पर्यायी वाहतुकीची उत्कृष्ट समन्वययोजना, अतिरिक्त खासगी वाहनांची उपलब्धता:
* गाडीत तात्काळत असलेल्या प्रवाशांना ताबडतोब समोसा, बिस्कीट, केळी, चहा व पिण्याचे पाणी इत्यादी अल्पोपहार पुरविण्यात आले.
* प्रवाशांना हिम्मायतनगर, किनवट, आदिलाबाद व इतर मार्गावरील स्टेशनांकडे पुढे जाण्यासाठी नांदेड व भोकर येथील महाराष्ट्र राज्य मार्ग परिवहन महामंडळ (एमएसआरटीसी) अधिकाऱ्यांशी संपर्क साधून बसेस ची व्यवस्था करण्याची विनंती करण्यात आली.
* तातडीची गरज ओळखून नांदेड येथील प्रादेशिक परिवहन अधिकारी (RTO) यांचीही मदत घेऊन काही खासगी वाहनांची व्यवस्था करण्यात आली.
2. विशेष गाडीची व्यवस्था : हिम्मायतनगर–आदिलाबाद दरम्यान विशेष गाडी क्र. 77615 चालवण्यात आली. या विशेष गाडीला मार्गातील सर्व स्टेशनांवर थांबे देण्यात आले, ज्यामुळे प्रवाशांचा प्रवास विलंब न होता पुढे सुरू राहिला.
3. प्रवाशांना संपूर्ण भाडे परतावा : रेल्वेने केलेल्या पर्यायी व्यवस्थेचा लाभ न घेण्याचा पर्याय निवडलेल्या प्रवाशांना त्यांचे तिकीटभाडे पूर्णपणे परत करण्यात आले.
डीआरएम नांदेड यांचे सक्रिय मार्गदर्शन : विभागीय रेल्वे व्यवस्थापक श्री. प्रदीप कामले यांनी विभागीय नियंत्रण कक्षातील नव्याने स्थापन करण्यात आलेल्या ‘वार रूम’ मधून परिस्थितीचे बारकाईने निरीक्षण केले व सर्व संबंधित कार्यांचे सुयोग्य समन्वय साधत प्रवाशांना वेळोवेळी आवश्यक मदत मिळेल याची खात्री केली.
नांदेड विभागाने अवेळी उद्भवलेल्या परिस्थितीत त्वरित, कार्यक्षम व मानवतावादी प्रतिसाद देत आपल्या प्रवासीहितदर्शी सेवांचा पुन्हा एकदा प्रत्यय दिला.
