नांदेड ग्रामीण पोलीस, RTO विभाग आणि इतवारा ट्रॅफिक पोलीसांची संयुक्त कारवाई

नांदेड: ऑपरेशन फ्लश आउट अंतर्गत वाहतूक नियमांचे उल्लंघन करणाऱ्यांवर कठोर कारवाई करण्याचे आदेश पोलीस अधीक्षक अभिनाश कुमार यांनी सर्व पोलीस स्टेशनना दिले आहेत. त्यानुसार नांदेड ग्रामीण हद्दीत आज संयुक्त कारवाई राबविण्यात आली.

पोलिस निरीक्षक ओमकांत चिंचोलकर यांच्या मार्गदर्शनाखाली पोलीस स्टेशन नांदेड ग्रामीण, RTO विभाग नांदेड, तसेच इतवारा ट्रॅफिक पोलीस यांनी संयुक्त मोहीम हाती घेतली. दिनांक 02 डिसेंबर 2025 रोजी दुपारी 12.00 ते 2.00 या वेळेत PVR समोर रोडवर ही कारवाई करण्यात आली.

एकूण 47 वाहनांची तपासणी, नियमांचे उल्लंघन केलेल्या 12 वाहनांवर दंड, आकारलेला एकूण दंड : 45,000, 3 वाहन जप्तविविध नियमभंग करणारी 3 वाहने जप्त

नांदेड ग्रामीण परिसरात अनेक वाहनचालक कागदपत्रांशिवाय, क्षमतेपेक्षा जादा माल भरून, फलकापेक्षा वर माल घेऊन, तसेच रॉंग साइड व रॅश ड्रायव्हिंग करून वाहतूक नियमांचे उल्लंघन करीत असल्याच्या तक्रारी प्राप्त झाल्या होत्या. या पार्श्वभूमीवर वरील अधिकाऱ्यांची बैठक घेऊन संयुक्त कारवाईचे नियोजन करण्यात आले.

पोलिस निरीक्षक ओमकांत चिंचोलकर यांनी वाहनचालकांना आवाहन केले की—
* कोणीही क्षमतेपेक्षा जास्त मालवाहतूक करू नये
* फलकापेक्षा वर माल भरू नये
* विना नंबर व विना रिफ्लेक्टर वाहन चालवू नये
* सर्व वाहनचालकांनी वाहनाची कागदपत्रे आणि परवाना सोबत बाळगावा