मध्य रेल्वेच्या भुसावळ विभागामार्फत पारस – गैगाव – अकोला विभागात अप व डाऊन दोन्ही मार्गांवर स्वयंचलित ब्लॉक प्रणाली (Automatic Block System) बसविण्याचे काम हाती घेण्यात आले आहे. या पायाभूत सुविधांच्या कामांच्या पार्श्वभूमीवर भुसावळ – बडनेरा विभागात काही गाड्यांचे तात्पुरते नियमन करण्यात येणार आहे.
सदर कामादरम्यान खालील गाड्यांचे नियमन करण्यात येईल :
*दिनांक 23.04.2026 रोजी सुटणारी गाडी क्र. 12485 नांदेड – श्रीगंगानगर एक्सप्रेस ही गाडी काटेपुर्णा – शेगाव विभागात सुमारे 2 तास नियमन करण्यात येईल.
* दिनांक 23.04.2026 रोजी सुटणारीगाडी क्र. 22723 नांदेड – श्रीगंगानगर एक्सप्रेस ही गाडी अकोला येथे क्रॉसिंगमुळे सुमारे 30 मिनिटे नियमन करण्यात येईल.
* दिनांक 22.04.2026 रोजी सुटणारी गाडी क्र. 17605 काचीगुडा – भगत की कोठी एक्सप्रेस ही गाडी अकोला येथे क्रॉसिंगमुळे सुमारे 30 मिनिटे नियमन करण्यात येईल.
* दिनांक 22.04.2026 रोजी सुटणारी गाडी क्र. 12719 जयपूर – हैदराबाद एक्सप्रेस ही गाडी अकोला येथे क्रॉसिंगमुळे सुमारे 30 मिनिटे नियमन करण्यात येईल.
प्रवाशांनी या तात्पुरत्या बदलांची नोंद घ्यावी व त्यानुसार प्रवासाचे नियोजन करावे, असे आवाहन रेल्वे प्रशासनातर्फे करण्यात आले आहे. या कामांदरम्यान होणाऱ्या गैरसोयीबद्दल रेल्वे प्रशासन दिलगीर आहे.
