मानवत : तालुक्यातील सावळी, ता. मानवत येथील शेतकरी श्री. रंग काळे यांच्या शेताची प्रत्यक्ष पाहणी करण्यात आली. पावसाअभावी निर्माण झालेल्या दुष्काळसदृश परिस्थितीमुळे शेतीपिकांचे झालेले नुकसान तसेच शेतकऱ्यांना भेडसावणाऱ्या विविध अडचणींची यावेळी माहिती घेण्यात आली.
पावसाचे प्रमाण कमी राहिल्याने पिकांवर झालेला परिणाम, उत्पादनातील संभाव्य घट आणि शेतकऱ्यांसमोरील आर्थिक अडचणी याबाबत शेतकऱ्यांशी संवाद साधून त्यांच्या व्यथा जाणून घेण्यात आल्या.
शेतकऱ्यांच्या कष्टाची आणि झालेल्या नुकसानीची जाणीव असून, त्यांच्या हक्काची मदत मिळवून देण्यासाठी शासनस्तरावर ठोस पाठपुरावा करण्यात येईल, अशी ग्वाही यावेळी देण्यात आली. दुष्काळसदृश परिस्थितीचा विचार करून शेतकऱ्यांना आवश्यक ती मदत मिळावी, यासाठी संबंधित यंत्रणेकडे पाठपुरावा करण्याचे आश्वासनही देण्यात आले.
संकटाच्या काळात शेतकऱ्यांच्या पाठीशी ठामपणे उभे राहून त्यांच्या प्रश्नांना शासनदरबारी वाचा फोडण्यासाठी प्रयत्नशील राहणार असल्याचे यावेळी सांगण्यात आले.
