अशोक चव्हाणांचे पुतणे उदय चव्हाण राष्ट्रवादीमध्ये होणार दाखल; ११ मे रोजी अजित पवार यांच्या उपस्थितीत पक्षप्रवेश

नांदेड, 6 मे 2025 : राज्यातील आगामी विधानसभा निवडणुकीच्या पार्श्वभूमीवर नांदेड जिल्ह्यात राजकीय हालचालींना वेग आला आहे. महायुतीतील भाजप आणि राष्ट्रवादी काँग्रेस (अजित पवार गट) यांच्यात स्थानिक पातळीवर जोरदार प्रवेशयुद्ध सुरू झाले आहे. याच दरम्यान, भाजप नेते आणि माजी मुख्यमंत्री अशोक चव्हाण यांचे पुतणे उदय चव्हाण हे आता राष्ट्रवादी काँग्रेसच्या वाटेवर असल्याची मोठी राजकीय घडामोड उघड झाली आहे.

११ मे २०२५ रोजी मुखेड तालुक्यातील चव्हाणवाडी (बाऱ्हाळी) येथे उपमुख्यमंत्री अजित पवार यांच्या प्रमुख उपस्थितीत उदय चव्हाण यांचा राष्ट्रवादी काँग्रेसमध्ये अधिकृत पक्षप्रवेश होणार आहे.

याआधीच अशोक चव्हाण यांचे सख्खे मेहुणे भास्करराव पाटील खतगावकर यांनीही राष्ट्रवादीत प्रवेश केला होता. त्यामुळे चव्हाण घराण्यातून भाजप आणि राष्ट्रवादी काँग्रेस यांच्यात जाणाऱ्या नेत्यांची संख्या वाढत चालली आहे.

राजकीय वर्तुळात हा उदय चव्हाणांचा प्रवेश मोठा संकेत मानला जात असून, नांदेड जिल्ह्यात राष्ट्रवादीला स्थानिक बळ वाढवण्याचा प्रयत्न असल्याचे बोलले जात आहे.

प्रत्यक्ष कार्यक्रमास राजकीय दिग्गजांची उपस्थिती अपेक्षित असून, या प्रवेशामुळे महायुतीतील अंतर्गत समीकरणे आणि निवडणूक रणनीतीवर परिणाम होण्याची शक्यता वर्तवली जात आहे.