सरसकट पंचनामे करत हेक्टरी ५० हजार तात्काळ मदत द्या समस्त शेतकरी बाधवाची परभणी जिल्हाधिकाऱ्यांकडे केली मागणी
परभणी जिल्ह्यात गेल्या काही दिवसांपासून सततचा पाऊस, ढगफुटी आणि अतिवृष्टीमुळे शेतकऱ्यांचे प्रचंड नुकसान झाले आहे. शेतीपिके, जनावरे, घरे आणि संपत्ती वाहून गेल्याने शेतकरी अक्षरशः उघड्यावर पडले आहेत. या पार्श्वभूमीवर परभणी जिल्ह्यातील शेतकरी बांधवांनी च्या वतीने जिल्हाधिकाऱ्यांना निवेदन देऊन तात्काळ नुकसान भरपाई देण्याची मागणी केली आहे.
सदरील मोर्चा शुक्रवार दुपारी साडेबारा वाजता सुमारास शहरातील संमत जिनिंग परिसरातून निघाला व गव्हाणे चौक नारायण चाळ स्टेशन रोड विसा कॉर्नर या मार्गावरून पायी जिल्हा अधिकारी कार्यालयापर्यंत पोहोचला
निवेदनात शेतकऱ्यांनी नमूद केले आहे की, पंजाब राज्याने शेतकऱ्यांना हेक्टरी ५० हजार रुपये मदत जाहीर केली आहे. त्याच धर्तीवर महाराष्ट्र शासनानेही मदत जाहीर करावी, अशी अपेक्षा शेतकऱ्यांनी व्यक्त केली आहे.
यावेळी दिलेल्या निवेदनात तात्काळ ओला दुष्काळ जाहीर करून शेतकऱ्यांना हेक्टरी ५० हजार रुपये मदत द्यावी. शेतकऱ्यांची सरसकट कर्जमाफी तात्काळ जाहीर करावी., गोदावरी, ओढे, नाले व बॅकवॉटरमुळे खरडून गेलेल्या शेतीला NDRF च्या निकषानुसार भरीव नुकसान भरपाई द्यावी.,पिकविमा कंपनीच्या बदललेल्या ट्रिगरमध्ये तातडीने बदल करून शेतकऱ्यांना दिलासा द्यावा. आदी मागण्या करण्यात आल्या.
“शेतकऱ्यांच्या तोंडचा घासच पावसाच्या पाण्याने हिरावून नेला आहे. जनावरे वाहून गेल्याने कुटुंब उघड्यावर पडले आहे. अशा संकटाच्या काळात शासनाने तातडीने पाऊल उचलले नाही, तर आत्महत्येच्या घटनांत वाढ होईल,” अशी भावना शेतकऱ्यांनी व्यक्त केली. ही मागणी समस्त शेतकरी बांधवांच्या वतीने जिल्हाधिकारी कार्यालयात करण्यात आली. निवेदनावर बाळासाहेब रेंगे, गणेश घाडगे, आशीष वाकोडे आदी शेतकरी बांधवांच्या सही आहे.
