पहलगाममध्ये दहशतवादी हल्यात मारल्या गेलेल्या निष्पाप लोकांच्या आत्म्यासाठी तख्त सचखंड साहिब येथे प्रार्थना करण्यात आली – डॉ. विजय सतबीर सिंग

नांदेड 25 एप्रिल- पाकिस्तानच्या सीमेवर असलेल्या जम्मू-काश्मीरमधील पहलगाम या सीमावर्ती भागात दहशतवाद्यांकडून पर्यटकांची हत्या करण्यात आली.

दहशतवाद्यांच्या या भ्याड कृत्याने अनेक घरांचे दिवे विझले असतानाच पृथ्वीवरील स्वर्ग म्हणवल्या जाणाऱ्या जम्मू-काश्मीरच्या फिजात अ-शांतता निर्माण करण्याचा प्रयत्न करण्यात आला आहे. यामुळे तेथील पर्यटन उद्योगाचे मोठे नुकसान झाले आहे. गुरुद्वारा सचखंड बोर्डाचे मुख्य प्रशासक डॉ. विजय सतबीर सिंग माजी आयएएस यांनी या दुःखद घटनेबद्दल तीव्र शोक व्यक्त केला आणि पाकिस्तान समर्थित दहशतवाद्यांच्या या निर्लज्ज कारवाईचा निषेध केला.

पत्रकारांना दिलेल्या निवेदनात ते म्हणाले की, भारतीय लष्कर अशा नापाक कृत्यांना चोख प्रत्युत्तर देईल. या दु:खद घटनेत मारल्या गेलेल्या निष्पाप लोकांच्या कुटुंबीयांप्रती त्यांनी तीव्र संवेदना व्यक्त केल्या आणि जखमी लोक लवकरात लवकर बरे व्हावेत अशी कामना केली. तख्त सचखंड श्री हजूर अबिचलनगर साहिब नांदेड येथे मृतांच्या आत्म्याला आत्मिक शांती आणि जखमी लोकांच्या प्रकृतीसाठी प्रार्थना केली.