जागतिक मासिक पाळी स्वच्छता दिनानिमित्त जिल्ह्यात जनजागृती;

मासिक पाळीचे चक्र काय असते?

दर महिन्याला स्त्री बीजग्रंथीत बीज तयार होते. गर्भधारणा न झाल्यास गर्भाशयाचे अंतःस्तर झाडले जाते व रक्तस्त्राव होतो. ही प्रक्रिया चार-पाच दिवस चालते. नंतर नव्या बीज निर्मितीने नवे चक्र सुरू होते.

पाळीच्या वेळी घ्यावयाची काळजी

दररोज स्वच्छ आंघोळ करणे, सॅनिटरी नॅपकिन वेळेवर बदलणे, वापरलेल्या नॅपकिन्सची योग्य विल्हेवाट लावणे, त्रास झाल्यास डॉक्टरांचा सल्ला घेणे, आशा सेविकांकडे सॅनिटरी नॅपकिन्स माफक दरात उपलब्ध आहे.

किशोरवयात योग्य मार्गदर्शनाची गरज

या वयात शारीरिक, मानसिक व भावनिक बदल होत असल्याने योग्य मार्गदर्शन, लैंगिक शिक्षण आणि समुपदेशन गरजेचे आहे. या उपक्रमांमधून मुलींना शास्त्रीय व समुपदेशनात्मक माहिती दिली जाणार असून, याचा सकारात्मक परिणाम त्यांच्या आरोग्यावर होईल, असा विश्वास जिल्हा आरोग्य विभागाने व्यक्त केला आहे.